ԹԵԺ ԳԻԾ 8520
Մարտի 15-ը սպառողների իրավունքների պաշտպանության միջազգային օրն է։ Այդ կապակցությամբ կազմակերպված՝ «Անվտանգությունն ու առողջությունը՝ առաջնահերթություն» խորագիրը կրող խորհրդաժողովը նպատակ ուներ ևս մեկ անգամ ընդգծել սպառողների շահերի պաշտպանության կարևորությունն առողջ և անվտանգ հասարակություն ունենալու տեսանկյունից։Խորհրդաժողովի ընթացքում, ի թիվս պետական այլ մարմինների ղեկավարների և ոլորտային կառույցների ներկայացուցիչների, ելույթով հանդես եկան ՇՎՏՄ ղեկավար Արմեն Կոտոլյանը, ՍԱՏՄ ղեկավար Գեորգի Ավետիսյանը և ԱԱՏՄ ղեկավար Հակոբ Ավագյանը՝ ներկայացնելով տեսչական մարմինների կողմից սպառողների շահերի պաշտպանության ուղղությամբ կատարվող աշխատանքներն ու ներդրվող մեխանիզմները։
